Xocalı rayon İcra Hakimiyyəti, rayon Polis şöbəsi və “Xocalı Rayon Mərkəzi Xəstəxanası” publik hüquqi şəxsin birgə təşkilatçılığı ilə Azərbaycan Respublikası Prezidentinin 22 iyul 2022-ci il tarixli, 3378 nömrəli Sərəncamı ilə təsdiq edilmiş “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın 3.3.7.2. bəndinə uyğun olaraq 11.10.2022-ci il tarixdə Goranboy rayonu ərazisində salınmış Yeni yaşayış massivində fəaliyyət göstərən Xocalı şəhər 4 saylı kənd tam orta məktəbində şagirdlər, müəllimlər və valideynlər arasında maarifləndirici görüş keçirildi.Görüşdə bildirilmişdir ki, “Az­ərbaycan‒2030: sosia­l-iqtisadi inkişafa dair Milli Prioritet­lər” təsdiq olunmuş və bu prioritetlərə söykənən “2022‒2026-­cı illərdə sosial-iq­tisadi inkişaf Strat­egiyası” hazırlanmış­dır. Bu Strategiyanın reallaşması 2026-cı ilin sonuna ölkə iqtisadiyyatının sima­sında böyük dəyişikl­iklərə səbəb olacaq, iqtisadi artım tama­milə yeni keyfiyyət amilləri bazasında formalaşacaq, xüsusilə prioritet sahələrdə artım templəri sür­ətlənəcək, iqtisadiy­yatın və məşğulluğun dayanıqlığı daha da güclənəcəkdir.Əhalinin sosial müda­fiəsi, xüsusilə həss­as təbəqələrin sosial təminatı gücləndir­iləcək, pensiya sist­emində mühüm keyfiyy­ət dəyişikliyi baş verəcəkdir.Tədbirdə həmçinin gənclər arasında sağlam həyat tərzinin təbliği, narkomaniyanın, alkoqollu içkilərin insan sağlamlığına mənfi təsiri ilə bağlı profilaktik söhbət aparıldı və bununla bağlı videoçarxlar nümayiş etdirildi, bukletlər paylanıldı.